Нәкъ 100 ел элек Татарстанда Беренче дәүләт төзелеш конторасы булдырылган
1921 елның 22 октябрендә - нәкъ 100 ел элек Татарстанда Беренче дәүләт төзелеш конторасы төзелә.
Төзүчеләрне һәм тармак ветераннарын Татарстан Республикасы Транспорт һәм юл хуҗалыгы министры Фәрит Хәнифов котлады:
Кадерле хезмәттәшләр! Сезне республика төзелеш тармагының 100 еллыгы белән котлыйм! Бу вакыт эчендә бик күп торак йортлар, эре сәнәгать, мәдәният объектлары, уку йортлары, күперләр, автомобиль һәм тимер юллар төзелде. Нәкъ менә сез тормышыбызны уңайлырак һәм куркынычсызрак иттегез!
Татарстанның төзелеш комплексы легендасын, Россия Федерациясенең мактаулы төзүчесе Борис Кадниковны аерым җылылык һәм рәхмәт белән искә аласым килә. Аның җитәкчелегендә Дәүләт гамәли оптика институты, Казан ЭВМ заводы, Казан электр механикасы заводы, Юдино силикат кирпеч заводы, Идел су алу җайланмасы, «Татарстан» кунакханәсе, Казанда Төзүчеләр сарае, Мәскәүдән Әгерҗе - Круглое Поле тимер юлы, Кама елгасы аша күпер һәм башка объектлар төзелде. Борис Александровичның күп кенә укучылары үзләрен төзүче һөнәренә багышладылар һәм хәзер дә илебез файдасына хезмәт итүләрен дәвам итәләр.
Хөрмәтле төзүчеләр, хезмәттәшләр, дуслар! Һөнәрегезгә тугрылыклы булуыгыз һәм кешеләргә китергән куанычлар өчен рәхмәт. Сезгә сәламәтлек һәм иминлек телим.
Фотода: Ленин районында яңа торак массивы төзелеше.