Нурлат районында Кузайкино - Нурлат автомобиль юлы буенча хәрәкәтне вакытлыча туктату 10 октябрьгә кадәр озайтылды

2021 елның 20 сентябре, дүшәмбе

Нурлат муниципаль районында Кузайкино - Нурлат автомобиль юлы буенча хәрәкәтне вакытлыча туктату 10 октябрьгә кадәр озайтылды. Биредә 69,2 км дан 74,9 км га кадәр участокта капиталь төзекләндерү дәвам итә.

Әйләнеп узу өчен машина йөртүчеләргә төбәк әһәмиятендәге Чистай – Аксубай - Нурлат һәм Аксубай - Федоровка автомобиль юллары тәкъдим ителә.

Тиешле юл билгеләре куелган юл хәрәкәтен оештыру схемасы ТР буенча ЮХИДИ идарәсе белән килештерелгән.

Машина йөртүчеләрне әлеге юл буенча үз маршрутларын алдан планлаштыруларын сорыйбыз.