Татарстанда Kazan Digital Week-2021 халыкара форумы узачак
2021 елның 21-24 сентябрендә Татарстан Республикасы Министрлар Кабинеты Россия Федерациясе Хөкүмәте ярдәмендә Kazan Digital Week-2021 халыкара форумын үткәрә.
Форум цифрлы интеллектуаль технологияләр нигезендә булдырылган системалар, сервислар һәм хезмәтләрне эшләүчеләргә һәм кулланучыларга юнәлдерелгән. Ул «Казан Экспо» халыкара күргәзмә үзәгендә катнаш (оффлайн + онлайн) форматта узачак.
Форумның төп тематик юнәлешләре:
• «Интеллектуаль транспорт системалары»
• «Ситуацион үзәкләр»
• «Цифрлы индустрия 4.0»
• «Финтех экосистемасы»
• «Киберкуркынычсызлык»
• «Бизнеска интеграцияләнгән инновацияләр»
• «Мәгариф өлкәсендә цифрлы технологияләр»
• «Мәдәният өлкәсендә цифрлы технологияләр»
• «Сәламәтлек саклау өлкәсендә цифрлы технологияләр»
• «Авыл хуҗалыгы өлкәсендә цифрлы технологияләр».
Форум кысаларында, аерым алганда, тематик секцияләр, мастер-класслар, панель дискуссияләр, губернаторлар һәм мэрларның түгәрәк өстәлләре; Россия төбәкләрендә интеллектуаль транспорт системаларын кертү мәсьәләләре буенча Федераль юл агентлыгының эш төркеме утырышы планлаштырылган.
Чара, теркәлү, катнашу һәм материалларны бастырып чыгару шартлары турында тулырак мәгълүматны kazandigitalweek.com сайтында белергә мөмкин.