Түбән Кама районында Зәй - Сухарево автомобиль юлы буенча хәрәкәт вакытлыча ябыла

2021 елның 18 июне, җомга

Түбән Кама муниципаль районында 20 июньнән 20 сентябрьгә кадәр Зәй - Сухарево автомобиль юлы транспорт хәрәкәте өчен вакытлыча ябыла. Бу чорда 23 км дан 28,6 км га кадәр участокны реконструкцияләү планлаштырылган.

Машина йөртүчеләргә урап узу өчен төбәк әһәмиятендәге «Зәй – Сухарево» - Болгар һәм «Чистай – Түбән Кама» - Кызыл Чапчак - Югары Чаллы автомобиль юллары тәкъдим ителә.

Кирәкле юл билгеләре куелган әйләнгеч хәрәкәтне оештыру схемасы ТР буенча ЮХИДИ идарәсе белән килештерелгән.