Яңа Чишмә районында Яңа Чишмә - «Шереметьевка - Кармалы» автомобиль юлы транспорт хәрәкәте өчен вакытлыча ябыла

2021 елның 16 апреле, җомга

Яңа Чишмә муниципаль районында 1 майдан 1 июльгә кадәр Яңа Чишмә - «Шереметьевка - Кармалы» автомобиль юлының 0 км дан 12,9 км га кадәр участогы транспорт хәрәкәте өчен вакытлыча ябыла. Бу чорда биредә юл полотносын ремонтлау планлаштырылган.

Урап узу өчен федераль әһәмияттәге Казан - Оренбург һәм төбәк әһәмиятендәге Акъяр – Чирмешән - Шентала автомобиль юллары тәкъдим ителә. Тиешле юл билгеләре куелган юл хәрәкәтен оештыру схемасы ТР буенча ЮХИДИ белән килештерелгән. Машина йөртүчеләрне юлның әлеге участогында үз маршрутларын алдан планлаштыруларын сорыйбыз.