Юл илкүләм проекты трансформацияләнде
2021 елда «Имин сыйфатлы юллар» илкүләм проектының яңартылган паспорты расланды. Элегрәк ул «Имин һәм сыйфатлы автомобиль юллары» дип аталган иде. Документ Россия Президентының 2020 елның 21 июлендәге 474 номерлы «2030 елга кадәрге чорга Россия Федерациясен үстерүнең милли максатлары турында» указы белән тәңгәлләштерелгән. Милли проект «Тормыш өчен уңайлы һәм куркынычсыз тирәлек»нең төп максатына ирешүгә юнәлдерелгән - эре шәһәр агломерацияләрендә норматив таләпләргә туры килә торган юл челтәре өлешен 2024 елга 85% тан да ким булмаган дәрәҗәдә тәэмин итү.
Яңа редакциядә милли проект паспорты структурасы 4тән 6га кадәр киңәйтелде. «Төбәк һәм җирле юл челтәре» (элекке исеме - «юл челтәре»), «Юл хуҗалыгын үстерүнең гомуми системалы чаралары», «Юл хәрәкәте иминлеге», «Россия Оборона министрлыгының автомобиль юллары» на ике яңа өстәлгән. Бу - «шәһәр агломерацияләрендә пассажирлар транспортын модернизацияләү» һәм «федераль магистраль челтәрне үстерү».
Яңа редакциядә милли проект паспорты структурасы 4тән 6 федераль проектка кадәр киңәйтелгән. Гамәлдә булган «Төбәк һәм җирле юл челтәре» (элекке исеме - «Юл челтәре»), «Юл хуҗалыгын үстерүнең гомуми системалы чаралары», «Юл хәрәкәте иминлеге», «Россия Оборона министрлыгының автомобиль юллары» проектларына яңа икәү өстәлгән. Бу - «Шәһәр агломерацияләрендә пассажирлар транспортын модернизацияләү» һәм «Федераль магистраль челтәрне үстерү».
ТР Транспорт һәм юл хуҗалыгы министры Фәрит Хәнифов хәбәр иткәнчә, Татарстанда «Төбәк һәм җирле юл челтәре» федераль проекты кысаларында төбәк әһәмиятендәге автомобиль юлларын һәм шәһәр агломерацияләренең юл челтәрен норматив хәлгә китерү дәвам итәчәк. Әйтик, 2021 елда ремонт программасына Казан, Яр Чаллы, Түбән Кама агломерацияләренең гомуми озынлыгы 217,8 км булган 90 объекты кергән. Ф. Хәнифов шулай ук, 2022 елдан башлап, проектта авария һәм авария алды хәлендәге күперләрне реконструкцияләү, ә 2023 елдан — төбәк һәм җирле юлларда юл үткәргечләр төзү каралган, дип билгеләп үтте.
Ф. Хәнифов сүзләренә караганда, «Юл хуҗалыгын үстерүнең гомуми системалы чаралары» федераль проекты кысаларында 2021 елда Казан һәм Яр Чаллы агломерацияләрендә юл хәрәкәте белән идарә итүнең автоматлаштырылган системасын һәм юл хәрәкәте интенсивлыгын контрольдә тоту системасын үстерүне үз эченә алган интеллектуаль транспорт системаларын гамәлгә кертү буенча чаралар уздырылачак.
Моннан тыш, «Юл хәрәкәте иминлеге» федераль проектын гамәлгә ашыру нәтиҗәсендә юл-транспорт һәлакәтләре нәтиҗәсендә үлүчеләр санын киметү каралган. Министр искәрткәнчә, 2020 елда «Имин һәм сыйфатлы автомобиль юллары» илкүләм проекты кысаларында агломерацияләрдә авария хәлендәге куркыныч участокларны локальләштерүгә юнәлдерелгән чаралар башкарылган. Аерым алганда, 13 светофор объекты, 3300 юл билгесе, 11694 метр барьерлы коймалар, 53 автобус тукталышы һ.б. урнаштырылган. Агымдагы елда 19,9 км барьер киртәләр, 2560 юл билгесе, 57 ясалма тигезсезлек, 7,3 км ясалма яктырту урнаштыру һәм 71 җәяүлеләр кичү юлын төзекләндерү планлаштырыла.
«Шәһәр агломерацияләрендә пассажирлар транспортын модернизацияләү» яңа федераль проектына килгәндә, аның буенча РФ Транспорт министрлыгы тарафыннан төбәкләргә шәһәр автобуслары, троллейбуслар һәм трамвай паркын яңартуда ярдәм күрсәтү каралган. 2021 елга Казан агломерациясе әлеге проект кысаларында зур класслы 92 автобуска гариза биргән. Россия Транспорт министрлыгы газ-мотор ягулыгында эшләүче 40 зур класслы автобус алуга рөхсәт биргән, алар 1 нче номерлы «Елга порты - Дәрвишләр торак массивы» һәм 22 нче номерлы «Можайский ур. – Ферма-2 торак массивы» маршрутларында хезмәт күрсәтәчәк. Шулай ук 2021 елга Яр Чаллы һәм Түбән Кама агломерацияләре 68 зур класслы автобус һәм 18 түбән идәнле бер секцияле трамвайлар алуга гаризалар җибәргән.
Фәрит Хәнифов ассызыклаганча, илкүләм проектны тормышка ашыруның мөһим юнәлешләренең берсе булып, республика халкының башкарыла торган эшләрнең сыйфаты турында фикерләрен исәпкә алу тора. Проект паспортында агымдагы елда гражданнарның юлларның, транспорт хезмәте күрсәтүнең сыйфаты һәм үтемлелеге, шулай ук юл хәрәкәте куркынычсызлыгы белән канәгатьләнүен бәяләүнең яңа күрсәткечләре барлыкка килде.