«Бердәмлек. Татулык. Үсеш» III Халыкара хатын-кызлар форумында катнашырга чакырабыз
2025 елның 30 маеннан 1 июненә кадәр Екатеринбург шәһәрендә «Екатеринбург-ЭКСПО» Халыкара күргәзмә үзәге мәйданчыгында «Бердәмлек.Татулык.Үсеш» III Халыкара хатын-кызлар форумы узачак. Чара дәүләтнең граждан-сәяси тормышында хатын-кызларның позицияләрен ныгытуга һәм җәмгыятьне үстерүдә аларның ролен күтәрүгә юнәлдерелгән.
Форум Свердловск өлкәсе Хөкүмәте тарафыннан «Россия хатын-кызлары берлеге» гомумроссия иҗтимагый-дәүләт оешмасының Свердловск төбәк бүлеге белән берлектә Шанхай хезмәттәшлек оешмасы әгъзалары дәүләтләренең Хөкүмәт башлыклары Советында Россия Федерациясе рәислеге химаясендә уздырыла.
Форумның эшлекле программасы кысаларында Россия Федерациясе Президенты В.В. Путин инициативасы белән илкүләм проектларны гамәлгә ашыруга багышланган панель сессияләр узачак. Демографик вәзгыятьне яхшыртуда һәм гаилә институтын ныгытуда, сәламәтлекне саклау технологияләрен эшләүдә, экологик иминлек һәм яшәү өчен инфраструктура булдыруда, халыкара кооперацияне үстерүдә, патриотик тәрбиядә хатын-кыз роленә аерым игътибар биреләчәк. Форумда балалар һәм хатын-кызлар өчен инновацион товарларның киң ассортиментын үз эченә алган күргәзмә күрсәтеләчәк.
Форум турында тулырак мәгълүмат алырга һәм катнашу өчен сайтта теркәлергә мөмкин. Форумда катнашырга хатын-кызлар җәмәгатьчелеге, коммерцияле булмаган сектор, дәүләт хакимияте органнары һәм шәһәрнең бизнес-структуралары вәкилләрен чакырабыз.