2020 елда поездларның пассажирларына онытып калдырган 22 мең предметны кире кайтарганнар
Федераль пассажир компаниясе 2020 елда ерак араларга йөрүче поездларда онытып калдырган 22 меңнән артык әйберне хуҗаларына кайтарырга ярдәм итте.
Бу РТЮның рәсми сайтында әйберләрне эзләү сервисы ярдәмендә башкарылды. Әйтик, декабрь аенда поездларда кышкы сезон өчен хас әйберләр: балалар чанасы, чаңгы, тимераяклар һәм хоккей кәшәкәсе табылды.
Яңа ел бәйрәмнәре белән бәйле тематик табылдыклар, аерым алганда, чыршы гирляндасы, ясалма чыршы, татлы бүләкләр, косметик җыелмалар, төргәкләү кәгазе һ.б. лар да табылды.
Февраль ахырында пассажирлар Ватанны саклаучылар көненә сувенирларны еш онытып калдырдылар: корыну өчен гельләр, сувенирлар һәм открыткалар. Ә җәйге чорда поезд бригадалары хезмәткәрләре бассейн өчен тент, балык тоту кирәк-яраклары, шулай ук гироскутер таптылар.
Әгәр пассажир ялгыш поездда нәрсә дә булса калдырса, аңа «РТЮ» ААҖ рәсми сайтында яки lost.fpc.ru. сайтында «Хезмәтләр һәм сервислар» бүлегендә электрон гариза тутырырга кирәк булачак. Гаризада исеменне, билет номерын, телефон номерын, электрон почтаңны һәм билет сатып алынган документның соңгы дүрт санын күрсәтергә кирәк. Шулай ук онытылган әйберләрнең тасвирламасын язарга һәм вагонда онытылган әйбернең урынын якынча күрсәтергә кирәк булачак.
Сервис 2019 елның мартыннан эшли башлады, эшли башлаганнан бирле поездларда калган 40 меңгә якын әйбер пассажирларга әйләнеп кайтты.
Фото: mosday.ru