Татарстанның «ЮВТ АЭРО» авиакомпаниясе Казаннан Волгоградка рейслар ача

2020 елның 28 декабре, дүшәмбе

Казаннан Волгоградка самолетлар 2021 елның 2 гыйнварыннан сишәмбе һәм шимбә көннәрендә очачак. Сишәмбе көнне очып китү вакыты 06:10 сәгатьтә, Волгоградтан кире якка очу вакыты 18:50 сәгатьтә.

Шимбә көнне самолет 04:45 сәгатьтә оча, Волгоградтан кире якка очу 18:10 сәгатьтә.

Авиабилетларны авиакомпания сайтында сатып алган очракта, Казан - Волгоград маршрутына билет бәясе 4 590 сумнан башлана.

Шулай ук «ЮВТ АЭРО» авиакомпаниясе 2021 елның гыйнварыннан Волгоградка Сургут, Чиләбе, Омск, Красноярск, Пермь һәм Усинск шәһәрләреннән очышлар ача.