Татарстанның «ЮВТ АЭРО» авиакомпаниясе Казаннан Красноярскка рейс ача
Татарстанның «ЮВТ АЭРО» авиакомпаниясе, яңа маршрут юнәлешләрен ачып һәм пассажирларга күрсәтелә торган хезмәтләрнең сыйфатын яхшыртып, үз эшчәнлеген динамик рәвештә үстерүне дәвам итә.
Авиакомпания 2021 елның гыйнварыннан 6 шәһәрдән Красноярск аэропортына очышлар башлый.
Казаннан Красноярскка самолетлар 2021 елның 3 гыйнварыннан дүшәмбе, пәнҗешәмбе, җомга һәм якшәмбе көннәрендә (көнгә 2 тапкыр) очачак. Авиабилетларны авиакомпания сайтында сатып алган очракта, Казан - Красноярск – Казан юнәлешендә бер якка билет бәясе 5090 сумнан башлана.
Омскидан Красноярск краена һәм кире якка очу 2021 елның 3 гыйнварыннан сишәмбе һәм якшәмбе көннәрендә башкарылачак. Авиабилетларны авиакомпания сайтында сатып алган очракта, Омск – Красноярск - Омск юнәлешендә бер якка билет бәясе 7343 сумнан башлана.
Алтай краеннан Красноярск краена очышлар 2021 елның 3 гыйнварыннан атнага 1 тапкыр якшәмбе көннәрендә башкарылачак. Барнаулдан китү вакыты 09:10 – Красноярск аэропортына 10:30 килә, Красноярсктан кире чып китү вакыты 11:20 – Барнаул аэропортына 12:40 килә. Авиабилетларны авиакомпания сайтында сатып алган очракта, Барнаул – Красноярск - Барнаул юнәлешендә бер якка билет бәясе 5367 сумнан башлана.
Чиләбедән Красноярскка рейслар 2021 елның 5 гыйнварыннан сишәмбе һәм җомга көннәрендә башкарылачак. Авиабилетларны авиакомпания сайтында сатып алган очракта, Чиләбе – Красноярск – Чиләбе юнәлешендә бер якка билет бәясе 5730 сумнан башлана.
Шулай ук 2021 елның 5 гыйнварыннан Красноярсктан Волгоградка очулар планлаштырылган. Әлеге юнәлеш буенча рейслар сишәмбе көнне башкарылачак. Авиабилетларны авиакомпания сайтында сатып алган очракта, Красноярск - Волгоград – Красноярск юнәлешендә бер якка билет бәясе 8357 сумнан башлана.
Кемерово өлкәсеннән Красноярскка очыш программасы 2021 елның 7 гыйнварыннан башлана. Очышлар пәнҗешәмбе көннәрендә башкарылачак. Авиабилетларны авиакомпания сайтында сатып алган очракта Кемерово - Красноярск - Кемерово юнәлешендә бер якка билет бәясе 5320 сумнан башлана.
Маршрутларда Канада авиалайнерлары CRJ-200 Бомбардье хезмәт күрсәтә, максималь сыйдырышлылыгы – 50 кеше.
Рейслар турында белешмә һәм өстәмә мәгълүматны http://uvtaero.ru авиакомпания сайтында алырга мөмкин.