Республикада җиңел таксида пассажирлар йөртү һәм багаж ташуга 7715 рөхсәт язуы бирелгән
Министрлыкның җаваплы хезмәткәрләре транспорт чарасын тикшергәндә автомобиль түбәсендә кызгылт сары төстәге тану фонаре, кузовның ян өслегендә “шашкалар”, транспорт чарасы салонының алдагы панелендә ташучы турында мәгълүмат барлыгына игътибар иттеләр.
Исегезгә төшерик, 2013 елның 2 февраленнән Татарстанда җиңел таксида пассажирлар йөртү һәм багаж ташу эшчәнлеген тормышка ашыруга рөхсәт язулары түләүле бирелә. Хәзер ташучы рөхсәт язуын алу һәм яңадан теркәү өчен 400 сум түләргә тиеш, дубликат өчен – 200 сум. Түләү өчен реквизитлар ТР Транспорт һәм юл хуҗалыгы министрлыгы рәсми сайтының “Таксомоторлы ташу” бүлегендә күрсәтелгән.
Мәгълүматлар буенча 12 февральгә республикада 7715 рөхсәт язуы бирелгән, шуларның 190 түләүле.