Питрәч районында Питрәч – Чита - Янцевары автомобиль юлы транспорт хәрәкәте өчен вакытлыча ябыла

2020 елның 13 августы, пәнҗешәмбе

Питрәч муниципаль районында 15-31 августта Питрәч - Чита - Янцевары автомобиль юлының 5 км дан 12 км га кадәр участогы транспорт хәрәкәте өчен вакытлыча ябыла. Бу чорда биредә капиталь ремонт планлаштырылган.

Урап узу өчен федераль әһәмияттәге М-7 «Идел» һәм төбәк әһәмиятендәге М-7 «Идел» - Кулай - Питрәч, М-7 «Идел» - Отар-Дубровка - Казиле автомобиль юллары тәкъдим ителә. Машина йөртүчеләрне юлның әлеге участогында үз маршрутларын алдан планлаштыруларын сорыйбыз.

Тиешле юл билгеләре куелган юл хәрәкәтен оештыру схемасы ТР буенча ЮХИДИ белән килешенгән.