Азнакай районында «Түбән Мактама – Актүбә» – Мәлбагыш автомобиль юлы буенча хәрәкәт вакытлыча ябыла

2020 елның 3 августы, дүшәмбе

Татарстанның Азнакай районында 3 августтан 30 октябрьгә кадәр «Түбән Мактама – Актүбә» – Мәлбагыш автомобиль юлы буенча хәрәкәт вакытлыча ябыла. Бу чорда автомобиль юлының 1,7 чакрымындагы күперне капиталь ремонтлау планлаштырылган.

Урап узу өчен төбәк әһәмиятендәге Түбән Мактама - Актүбә, «Түбән Мактама – Актүбә» - Түбән Яки автомобиль юллары тәкъдим ителә. Машина йөртүчеләрне юлның әлеге участогында үз маршрутларын алдан планлаштыруларын сорыйбыз.

Юл билгеләрен урнаштыру белән урап узу схемасы ТР буенча ЭЭМ ЮХИДИ белән килешенгән.