10 июньнән Актаныш районында «Актаныш-Пучы» - Усы автомобиль юлының бер өлеше транспорт хәрәкәте өчен вакытлыча ябыла

2020 елның 8 июне, дүшәмбе

Актаныш муниципаль районында 10 июньнән 10 августка кадәр  «Актаныш-Пучы» - Усы автомобиль юлы транспорт хәрәкәте өчен вакытлыча ябыла. Бу чорда Усы торак пунктында суүткәргеч торбаны капиталь ремонтлау планлаштырылган.

Урап узу өчен машина йөртүчеләргә федераль әһәмияттәге М-7 «Идел» - Усы автомобиль юлы һәм төбәк әһәмиятендәге Актаныш – Пучы автомобиль юлы тәкъдим ителә. Тиешле юл билгеләре куелган юл хәрәкәтен оештыру схемасы ТР буенча ЮХИДИ белән килешенгән. Машина йөртүчеләрне юлның әлеге участогында үз маршрутларын алдан планлаштыруларын сорыйбыз.