Зур Казан боҗрасының 2 этабын төзү барышында трамвай линияләрен төзи башладылар
«Имин һәм сыйфатлы автомобиль юллары» илкүләм проекты буенча Борисковская урамыннан Техническая урамына кадәрге 1,222 км озынлыктагы участокта Зур Казан боҗрасының (ЗКБ) 2 этабы төзелеше дәвам итә.
Узган атнада объектта җир эшләре дәвам итте: төзелеш башланганнан бирле 5830 тоннадан артык вак таш һәм ком китерелде, 785 тоннадан артык яраксыз грунт һәм чүп-чар чыгарылды.
Тротуарларны төзү һәм борт ташын урнаштыру дәвам итте, 3000 кв. м мәйданда юл полотносы асфальтланды.
Трамвай линияләренең рельс һәм шпал рәшәткәләрен җәю һәм Бакый Урманче урамыннан Ферма шоссесы урамына кадәр һәм Авангард урамының борылыш даирәсендә трамвай элемтә челтәре терәкләрен урнаштыру башланды. 800 метрдан артык юл салынды.
Борисковская урамында урнашкан һәм ЗКБ төзелешенең икенче һәм беренче этапларын тоташтыручы ике терәк диварны бетонлаштыру, арматуралау һәм опалубканы монтажлау эшләре алып барылды.
Монастырь ермагы аша салынган күпер төзелешендә 3 нче номерлы терәктә монолит терәкне бетонлаштыру һәм монолит насадка урнаштыру эшләре тәмамланды. Басмалар урнаштырып һәм күпернең аралык корылмалары өчен опалубкалар урнаштыру белән (сул як юл һәм трамвай хәрәкәте өчен) технологик мәйданчыкта плитәләр җәю дәвам итә.
Төзелеш территориясендә инженерлык челтәрләрен урнаштыру дәвам итә. 50 м су белән тәэмин итү, 100 м яңгыр канализациясе торбалары, 108 м газүткәргеч сузылган. Элемтә һәм электр белән тәэмин итү челтәрләрен үзгәртеп кору эшләре бара.
Узган атнада 2 этап төзелешендә 161 инженер-техник персонал һәм 26 махсус техника берәмлеге катнашты.
Исегезгә төшерәбез, проект документларының икенче этабы кысаларында коммуникацияләрне үзгәртеп кору, яңгыр канализациясен һәм чистарту корылмаларын, терәк диварларны, светофор объектларын, тышкы яктыртуны урнаштыру, трамвай юлларын төзү каралган. Монастырь ермагы аша 70,78 м озынлыктагы күпер төзеләчәк.
Төзелешнең 700 м озынлыктагы беренче этабын 2020 елда тапшыру планлаштырыла, 522 м озынлыктагы икенче этап - 2021 елда.