Бүген Татарстанда 7425 легаль таксистлар эшли
Исегезгә төшерик, 2013 нче елның 1 гыйнварыннан такси төсенә таләпләр көченә керде. Әлеге вакыттан автомобиль кузовы ак яисә сары төстә булырга тиеш. Хәзер рөхсәт кәгазен бары тик бирелгән төсләрдәге автомобильләре булган, ташучылар гына ала алачак.
Элек таксистларга бирелгән рөхсәт кәгазе, закон буенча автомобильнең төсе туры килмәсә, гамәлдән чыгарылачак.
Рөхсәт кәгазен алганда ташучы транспорт чарасын тикшерү өчен җиңел таксига таләп ителгән барлык атрибутика белән күрсәтергә тиеш - кызгылт сары төстәге тану фонаре, кузовның ян өслегендә контраст төстәге “шашкалар”. Җиңел таксиның алдагы панелендә йөртүченең уң ягында җиңел такси белән файдалану өчен түләү шартлары турында мәгълүмат, фотография белән йөртүченең визит карточкасы, пассажирлар йөртүне һәм багаж ташуны тормышка ашыру буенча тикшерүне тәэмин итүче әгъзаның атамасы, адресы һәм элемтә өчен телефоны куелырга тиеш.