«Алексеевскдорстрой» ААҖ аз керемле кешеләргә ярдәм итү буенча хәйрия акциясендә катнашуын дәвам итә

2020 елның 8 мае, җомга

«Алексеевскдорстрой» ААҖ хезмәткәрләре Спас, Әлки һәм Яңа Чишмә районнарында яшәүче сугыш ветераннарына, тыл ветераннарына, ялгыз кешеләргә һәм аз керемле гаиләләргә 120 азык-төлек җыелмасын тапшырдылар. Теләкләрне исәпкә алып, җыелмаларга ярмалар, макарон әйберләре, бал, казылык, май һәм төрле тәм-томнар керде.

Татарстанның юл тармагы предприятиеләре катлаулы тормыш хәлендә калган кешеләргә, үз-үзеңне изоляцияләү режимы тәмамланганчы, адреслы социаль ярдәм күрсәтәчәк.