Татарстан Республикасы Министрлыклары Татарстан Республикасы Транспорт һәм юл хуҗалыгы министрлыгы

Татарстанда 1 майдан шәһәр яны тимер юл транспортында йөрү өчен ташламалы юл йөрү билетларын рәсмиләштерү яңадан башлана

2020 елның 30 апреле, пәнҗешәмбе

2020 елның 1 маеннан 31 октябренә кадәр Татарстан Республикасының төбәк ташламаларын алучыларга Татарстан Республикасы территориясе буенча шәһәр яны тимер юл транспортында йөрү бәясеннән 50 процент ташлама бирелә.

Ташламалы билетларны рәсмиләштерү ташламага хокукны раслаучы документлар нигезендә башкарыла. Төбәк ташламалары каралган категорияләр исемлеге һәм кирәкле документлар белән «Содружество» шәһәр яны пассажир компаниясе сайтының «Пассажирларга» бүлегендә танышырга мөмкин.

Күрсәтелгән документлар булмаган очракта ташламалы билет рәсмиләштерелми. Юл йөрү өчен гамәлдәге тарифларга туры китереп түләнелә.

ТР Транспорт һәм юл хуҗалыгы министрлыгының матбугат хезмәте

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

апрель, 2026 ел

«ЮВТ АЭРО» авиакомпаниясе һәм «Казан» аэропорты «Тукай атнасы» игълан итә

Бөек татар шагыйре Габдулла Тукайның тууына 140 ел тулуны бәйрәм итү кысаларында «ЮВТ АЭРО» авиакомпаниясе һәм «Казан» Халыкара аэропорты 20-26 апрель көннәрендә узачак «Тукай атналыгы» дигән махсус акция башлап җибәрәләр.

Комаровлар тукталыш пункты буенча Казан - Кукмара шәһәр яны поездына тукталыш кертелә

Хезмәт күрсәтү сыйфатын яхшырту өчен 17 апрельдән 6436 нчы Казан – Кукмара шәһәр яны поезды Комаровлар тукталыш пунктында тукталачак.

апрель, 2026 ел

Фәрит Хәнифов юл хәрәкәте иминлеген тәэмин итү буенча ТР Хөкүмәт комиссиясе утырышында катнашты

Бүген ТР Хөкүмәте Йортында юл хәрәкәте иминлеген тәэмин итү буенча ТР Хөкүмәт комиссиясе утырышы узды. Аны Татарстан Республикасы Премьер-министры урынбасары – Татарстан Республикасы Министрлар Кабинеты Аппараты җитәкчесе, юл хәрәкәте иминлеген тәэмин итү буенча Татарстан Республикасы Хөкүмәт комиссиясе рәисе урынбасары Шамил Гафаров үткәрде. Чарада ТР транспорт һәм юл хуҗалыгы министры Фәрит Хәнифов катнашты.

Татарстанда кайнар асфальт-бетон кулланып чокырларны ремонтлау эшләре башланды

Татарстанның төбәк юлларында кайнар асфальт-бетон кулланып чокырларны ремонтлау эшләре башланды. Моңа 18 асфальт-бетон заводын эшләтеп җибәрү ярдәм итте. Аерым алганда, республиканың Әгерҗе, Алексеевск, Әлмәт, Балтач, Бөгелмә, Чүпрәле, Лаеш, Түбән Кама, Яңа Чишмә һәм башка районнарында заводлар эшли башлады.

ЯҢАЛЫКЛАРГА ЯЗЫЛУ