Татарстан юлчылары күп балалы һәм аз тәэмин ителгән гаиләләргә ярдәм итүне дәвам итәләр

2020 елның 23 апреле, пәнҗешәмбе

Балтач бистәсеннән Хәбибрахмановлар гаиләсе Балтачның МДСУ-1 ҖЧҖ директоры Рәшит Ильясовка яңа ноутбук өчен рәхмәт белдерде. Гаиләдә хәзер онлайн рәвештә белем алучы өч бала бар. Хәзер балалар дәресләргә, ә тугызынчы сыйныфта укучы өлкән кызлары ОГЭ га әзерләнә алалар.

Балтач районыннан тагын 3 күп балалы гаилә дә МДСУ-1 оешмасыннан бүләк итеп яңа ноутбуклар алды. Әлеге предприятие хезмәткәрләре мохтаҗларга хәйрия ярдәме күрсәтүне дәвам итәчәкләр. Районның социаль яклау бүлеге, азык-төлек һәм беренче кирәк-яраклар тапшыру өчен, аз керемле гаиләләр исемлеген төзегән инде.

Фото Хабибрахмановлар гаиләсе альбомыннан.