Волгадорстрой хезмәткәрләре Дәрвишләр балалар йортында тәрбияләнүчеләргә медикаментлар һәм памперслар тапшырдылар
Татарстан юл тармагының тагын бер предприятиесе аз тәэмин ителгән гаиләләргә һәм мөмкинлекләре чикләнгән кешеләргә ярдәм итү буенча хәйрия акциясенә кушылды. «Волгадорстрой» ҖЧҖ хезмәткәрләре Дәрвишләр бистәсендәге балалар интернат-йортына кирәк-яраклар һәм ашамлыклар тапшырдылар. Бу - медикаментлар, памперслар, антисептиклар, юу чаралары, резин перчаткалар, бер тапкыр кулланыла торган битлекләр, балалар ризыгы. Шулай ук балалар теләге буенча казылык әйберләре, соклар, җиләк-җимеш, тәм-томнар сатып алынган. Иганәнең гомуми суммасы 250 мең сумнан артык тәшкил иткән.
Дәрвишләр бистәсендәге балалар интернат-йорты директоры Гөлнара Галиәхмәтова сөйләвенчә, бу катлаулы чорда бик зур ярдәм. Өстәвенә, «Волгадорстрой» ҖЧҖ хезмәткәрләре генераль директор Айрат Миңнуллин җитәкчелегендә интернатка даими ярдәм күрсәтәләр.
- Бу безнең яхшы дусларыбыз һәм безнең барлык үтенечкә, шул исәптән территорияне төзекләндерү буенча да, ярдәм итәләр, - дип сөйләде Г. Галиәхмәтова.
Дәрвишләр бистәсендәге балалар интернат-йортында хәзер 4 яшьтән 23 яшькә кадәр 168 бала яши. «Волгадорстрой»ның бу елга планнарында - тәрбияләнүчеләр имин хәрәкәт итә алсын өчен эчке юлларны ремонтлау.