Казанда тимер юл хастаханәсе республика халкына комплекслы медицина ярдәме күрсәтә
«РТЮ-Медицина» клиник хастаханәсе Казанда Татарстан Республикасында карантин чараларын тормышка ашыруда актив катнаша.
Юдино станциясендә Казан тимер юл хастаханәсенең һәм сырхауханәнең табиблары һәм шәфкать туташлары яңа коронавирус инфекциясе белән эшләү принципларын өйрәнделәр.
Барлык медицина учреждениеләре үзвакытында дезинфекция үткәрәләр, пациентлар һәм Казан халкы арасында аңлату эшләре алып баралар. Табиб персоналы тарафыннан пациентларга өйгә чыгу буенча эш оештырылган, бу авыруның симптомнарын вакытында ачыкларга һәм кирәкле медицина ярдәме күрсәтергә мөмкинлек бирә, шул рәвешле мөмкин булган контактлар минимальләштерелә.
Хастаханә белгечләре тимерьюлчыларның сәламәтлеге торышын тикшереп торалар, хезмәткәрләргә рейс алды тикшерүләре үткәрәләр. Моннан тыш, «Казан-1» һәм «Казан-2» тимер юл вокзалларының медицина пунктларында тимер юл хастаханәсе белгечләре мөрәҗәгать иткән пассажирларга тәүлек буе медицина ярдәме күрсәтәләр, шулай ук тимер юл транспорты белән килүчеләргә контактсыз термометрия үткәрәләр.
«РТЮ-Медицина» клиник хастаханәсе үткәргән комплекслы медицина ярдәме республикада яшәүчеләр арасында инфекциянең таралуын киметүгә һәм аның тимер юл транспорты эшенә йогынтысын киметүгә юнәлдерелгән.