Түбән Кама һәм Тукай районнарында 20 апрельдән ике автомобиль юлы ябылачак
Түбән Кама һәм Тукай районнарында 20 апрельдән 1 сентябрьгә кадәр ике автомобиль юлы транспорт хәрәкәте өчен вакытлыча ябыла. Түбән Кама районында – Зәй - Сухарево автомобиль юлы 23 км дан 28,6 км га кадәр участокта. Урап узу өчен машина йөртүчеләргә төбәк әһәмиятендәге «Зәй - Сухарево» - Болгар һәм «Чистай - Түбән Кама» - Кызыл Кадка – Югары Чаллы автомобиль юллары тәкъдим ителә.
Тукай районында ремонт эшләре бару сәбәпле «Яр Чаллы – Түбән Кама» - Иштирәк автомобиль юлы 5,8 км дан 9,8 км га кадәр участокта ябылачак. Урап узу өчен төбәк әһәмиятендәге «Яр Чаллы – Зәй – Әлмәт» - Түбән Кама автомобиль юлы һәм муниципаль әһәмияттәге Яр Чаллы – Түбән Кама – Көньяк юлы тәкъдим ителә.
Тиешле юл билгеләре куелган юл хәрәкәтен оештыру схемасы ТР буенча ЮХИДИ белән килешенгән. Машина йөртүчеләрне әлеге автомобиль юллары буенча үз маршрутларын алдан ук планлаштыруларын сорыйбыз.