Казанда яңа ел яллары чорында транспорт буенча кайнар элемтә эшләячәк
Яңа ел төнендә шәһәр пассажир траспорты эшен 2013 нче елның 1 нче гыйнварында төнге сәгать икегә кадәр 26 автобус, 4 трамвай һәм 9 троллейбус маршруты белән тормышка ашыру планлаштырыла. Барлыгы линиягә 94 автобус, 6 трамвай һәм 16 троллейбус чыгачак.
Яңа ел төнендә метрополитен эше төнге уникегә кадәр планлаштырылган. Маршрутлар 1 нче гыйнварда иртән сәгать җидедә - расланган графиктан ике сәгать соңрак чыгачак, дип хәбәр итте Айдар Абдулхаков.
6 нчы гыйнварда Раштуа бәйрәме уңаеннан, шәһәр пассажир транспорты эше төнге унбергә кадәр дәвам итәчәк. Шәһәр чиркәүләрендә булучыларны кайтару өчен, 6 нчы гыйнвардан 7 нче гыйнварга каршы төндә шәһәрнең барлык районнарына өстәмә 7 маршрут җибәрүне оештыру планлаштырыла.
Шәһәрнең транспорт буенча комитетында тәүлек дәвамында кайнар элемтә эшләячәк: 275-30-50.