Милли проект буенча Түбән Камада Тынычлык проспектында әзерлек эшләренә керештеләр
Түбән Камада Тынычлык проспектында әзерлек эшләренә керештеләр, анда быел Корабельная урамы белән кисешкән урынга кадәр автомобиль юлы төзелеше дәвам итәчәк.
Объект 2020 елга «Имин һәм сыйфатлы автомобиль юллары» илкүләм проектына кертелгән.
Әзерлек эшләре бара инде. Аларны «Алексеевскдорстрой» ААҖ подрядчы оешмасы белгечләре башкара. Участокның озынлыгы 0,2 км тәшкил итәчәк. Төзелеш нәтиҗәсендә Түбән Кама халкын яңартылган Тынычлык проспекты сөендерәчәк. Ә шәһәрнең яңа төзелешләр урнашкан 49 микрорайонында яшәүчеләр сыйфатлы автомобиль юлы гына түгел, ә башка микрорайоннар белән тоташтыра торган имин тротуарлары һәм велосипед юллары булган юллы булачак. Илкүләм проект кысаларында шулай ук урамнарны яктырту буенча эшләр планлаштырылган.
Исегезгә төшерәбез, Түбән Кама 2019 елдан бирле «Имин һәм сыйфатлы автомобиль юллары» илкүләм проектында катнаша. Быел Тынычлык проспекты буенча юл төзүдән тыш, шәһәрдә Шинников проспектында капиталь ремонт эшләре дә башкарылачак. 2020 елга программаны финанслауның күләме Түбән Кама агломерациясе буенча 480 млн. сум тәшкил итә.