Ике катлы поездларга билетларны махсус бәяләрдән сатып алырга мөмкин
«Федераль пассажир компаниясе» АҖ формалаштырган берничә ике катлы поезд пассажирлары 31 мартка кадәр махсус бәяләрдән билетлар сатып алырга мөмкин. Билетларның түбәнәйтелгән бәясе «Яхшы бәядән ике катлы поездлар» акциясе кысаларында каралган. Ташлама пассажирларга кире кайтарылмый торган тариф буенча сәяхәтне рәсмиләштергән бирелә.
Моның өчен аларга сайлау мөмкинлеге бирелә: пассажирлар билетны гадәти бәядән сатып алырга мөмкин һәм, кирәк булганда, сәфәрдән баш тарта ала яки юл документын кире кайтармый торган итеп рәсмиләштерә.
Махсус бәяләр купеда сәфәр кылу өчен түбәндәге ике катлы поездларда тәкъдим ителә:
17/18 "Карелия" Петрозаводск – Мәскәү, 1499 сумнан.
3/4 "Кавказ" Мәскәү – Кисловодск, 1989 сумнан.
5/6 Мәскәү – Санкт-Петербург, 1599 сумнан.
25/26 "Смена - А. Бетанкур" Санкт-Петербург – Мәскәү, 1399 сумнан.
23/24 Мәскәү – Казан, 1299 сумнан.
25/26 Мәскәү - Ижевск, 1499 сумнан.
35/36 "Төньяк Пальмира" Санкт-Петербург - Адлер, 2599 сумнан.
49/50 Мәскәү – Самара, 1499 сумнан.
51/52 "Сура" Пенза – Мәскәү, 1199 сумнан.
103/104 Мәскәү - Адлер, 2199 сумнан.
Махсус бәяләрдән урыннар саны чикләнгән. Опция аз хәрәкәтләнүче пассажирлар өчен махсус купедагы урыннарга кагылмый.
Ерак араларга йөрүче поездларга билетны РТЮ ААҖ сайтында һәм мобиль кушымтасында, тимер юл вокзаллары кассаларында, үз-үзеңә хезмәт күрсәтү терминалларында алырга, шулай ук оператор аша тәүлек буе эшли торган 8-800-550-15-20 телефоны аша рәсмиләштерергә мөмкин.
Исегезгә төшерәбез, кире кайтарылмый торган тариф сәфәргә барудан баш тарткан очракта акчаны кире кайтаруны күздә тотмый. Бәхетсезлек очраклары, поездларны гамәлдән чыгару һәм башка шартлар белән бәйле ситуацияләр искәрмә булып тора, алар белән РТЮ сайтында танышырга мөмкин. Акчаны кире кайтару өчен, пассажирларга кассага акчаны кире кайтару хокукын раслаучы документлар белән мөрәҗәгать итәргә кирәк.