Казан дәүләт архитектура-төзелеш университетының транспорт корылмалары институты доценты Ленар Мәүлиевка академик Алемасов исемендәге ТР Дәүләт премиясе тапшырылды
Казан дәүләт архитектура-төзелеш университетының транспорт корылмалары институтының автомобиль юллары, күперләре һәм тоннельләре кафедрасы доценты Ленар Мәүлиев академик Алемасов исемендәге Татарстан Республикасы Дәүләт премиясенә лаек булды. Премия Татарстанда юл төзелеше технологиясен үстерүгә җирле ныгытылган минераль чималдан һәм сәнәгать калдыкларыннан шактый зур өлеш керткән өчен бирелде.
Ленар Мәүлиев 2009 елда Казан дәүләт архитектура-төзелеш университетының автомобиль юллар факультетын кызыл диплом белән тәмамлый. 2015 елда юл төзелеше өчен кремнийорганик катнашмалар нигезендә комплекслы өстәмә булган «модифицированный цементогрунт» дигән темага кандидатлык диссертациясен яклый.
Яшь галим җирле вак таш, ком, ком-вак таш катнашмасы, гранулометрик кушылмалар, шулай ук кремнийорганик гидрофизаторлар, пластификаторлар, электролитлар һәм алар нигезендә химик өстәмәләр сыйфатында эшләнгән комплекслы модификаторлар кулланып цементогрунт составларын ала. Мондый модификация цементогрунтларның ныклыгына һәм озын гомерлелегенә ирешергә мөмкинлек бирә, дип саный Л.Мәүлиев.
Татарстан Республикасы Транспорт һәм юл хуҗалыгы министрлыгы ярдәме белән Ленар Мәүлиев тарафыннан эшләнгән материалларны һәм конструкцияләрне 2013 елдан Татарстан Республикасында түбән интенсивлык белән хәрәкәт итүче автомобиль юллары төзегәндә кертә башладылар.
Агымдагы елда подрядчы оешмалар да әлеге технология буенча юллар төзүне планлаштырдылар.
Ленар Мәүлиевка 31 яшь. Ул Алабуга шәһәрендә туган. Нәселдән килгән юлчылар гаиләсеннән - 1983 елда Казан инженер-төзелеш институтының автоюл факультетын (хәзер КДАТУ) аның әтисе Фидәес Мирхазиян улы, «Татавтодор» АҖ Чаллы филиалы автомобиль юлларын карап тоту буенча директор урынбасары, 1977 елда Самара шәһәрендә «РегионПроект» ҖЧҖ җитәкчесе абыйсы Фердинат Мирхазиян улы Мәүлиев тәмамлый. Аспирантурада уку белән беррәттән Ленар «Татнефтедор» ҖЧҖнең Алабуга филиалында һәм «Транспроект» АҖдә эшләп, юл тармагында практик тәҗрибә туплады.
Л.Мәүлиев фәнни-тикшеренү эшләренең нәтиҗәләре Россия һәм чит ил махсус журналларында басылып чыкты. Ул-юл-төзелеш материаллары составына һәм юл киеме конструкциясенә 10 патент, күпсанлы конкурсларда җиңүче, аерым алганда, «Татарстан Республикасы өчен 50 инновацион идея», «Казан шәһәре мэры гранты», яшьләр фәнни грантлары иясе. Мәскәү автомобиль-юл дәүләт техник университетында (МАДИ), территориаль үсеш һәм транспорт инфраструктурасының фәнни-тикшеренү һәм проект институтында стажировка үтте. Санкт-Петербург. «Икътисад һәм төзелештә идарә итү» белгечлеге буенча икенче югары белемле.
Фәнни-тикшеренү һәм укытучылар эшчәнлегеннән тыш, Ленар автомобиль юлларын, биналарны һәм корылмаларны проектлау-тикшеренү һәм тикшерү белән дә шөгыльләнә.
Яшь галим Ленар Мәүлиевны шундый зур бүләк белән котлыйбыз! Татарстан файдасына яңа ачышлар телибез!
Фотода: Татарстан Республикасы Транспорт һәм юл хуҗалыгы министры урынбасары Артем Чукин һәм Алемасов исемендәге Татарстан Республикасы Дәүләт премиясе лауреаты Ленар Мәүлиев юл тармагында инновацион технологияләр куллану турында фикер алышалар.