Үткән тәүлеккә Татарстан Республикасында транспорт комплексының хәле турында мәгълүмати хәбәр

Татарстан буенча муниципальара маршрутларга мониторинг системасында 159 автобус чыккан. Аларда урнаштырылган ГЛОНАСС системасы күрсәткәнчә, тәүлек эчендә 34 тапкыр тизлек режимы бозылган.

Казан аэропортыннан 92 рейс башкарылган, шул исәптә 9 чартер, 23 халыкара рейслар. Татарстан башкаласына 5608 кеше килгән, 4664 пассажир киткән.

Идел елгасында су биеклеге, алдагы тәүлек белән чагыштырганда, 8 см га кимегән һәм 52,31 м билгесендә теркәлгән, Кама елгасында - 63,21 м, 4 см га кимегән.

14 нче июньдә республикада алмашынучан болытлы һава торышы көтелә, көндез һәм кичен күпчелек районнарда яңгыр, төньяк-көнбатыштан талгын җил, көндез һәм кичен урыны белән секундына 15-18 метрга кадәр. Температура: 14-19 градус.