Куйбышев тимер юлының Идел-Кама төбәгендәге махсус техника паркында яңа буынның үлчәү вагоны барлыкка килде
Үлчәү вагоны эшкә тулысынча әзер һәм кирәкле метрология җиһазлары белән җиһазландырылган. Яңа вагон йөк күтәрүчәнлеге һәм яхшыртылган техник җиһазлануы белән аерылып тора. Кран-балка булу тикшерү эшләре үткәргәндә операцияләрне механикалаштыруны һәм эталон герләрен һәм үлчәү арбаларын төяү-бушатуны тәэмин итәргә мөмкинлек бирә. Дизель-генератор булу сәбәпле, вагон тышкы электр челтәренә кушылмыйча эшли ала.
Үлчәү вагоны Куйбышев тимер юлының Идел-Кама төбәгенең бөтен полигонында эшләячәк. Хезмәт күрсәтү зонасы – “РТЮ” ААҖ предприятиеләренең һәм үз үлчәү җиһазлары булган башка оешмаларның 110 вагон үлчәүләре.
Үлчәү вагоны ярдәмендә вагон үлчәүләрен тикшерү һәм көйләү башкарыла, вагон массаларының дөрес күрсәтелүе шуңа бәйле. Үлчәүнең төгәллеге турыдан-туры поездлар хәрәкәте иминлегенә йогынты ясый (вагон төялгән вакытта рөхсәт ителгән нормаларны арттыру кузов кыйшаюына, вагон ватылуына һәм башкаларга китерергә мөмкин).