Региональ әһәмияте булган юлларда транспорт хәрәкәтенә вакытлыча чикләмә кертелә

      ТР Министрлар Кабинетының 200 нче карары нигезендә гомуми файдалануда булган региональ әһәмиятле автомобиль юлларда 2012 елда 15 апрельдән  14 майга кадәр вакытлыча чикләмә кертелгән. Әлеге чикләмәнең төп максаты – 2012 елда язның дымлы вакытында автомобиль юлларны саклап калу.

      Әлеге карар белән транспорт чаралары үзәгенә рөхсәт ителә торган йөкнең күләме ныгытылган: бер үзәк булганда – 6 тонна, ике үзәкле арбага – 5 тонна һәм өч үзәкле арбага – 4 тонна.

      Язгы чорда хәрәкәткә вакытлыча чикләмә йогынтысы халыкара йөк ташуга; автобусларда пассажирлар ташуга, шул исәптән халыкара; беренче дәрәҗәдә кирәкле азык-төлеккә (икмәк, он, сөт, атланмай, шикәр, тоз, ит, күкәй, чәй, балалар ризыгы), хайваннарга, дару препаратларына, орлык фондына, ашламага, почтага һәм почта йөгенә; йөк күтәрүчәнлеге 16 тоннага кадәр булган ягулык, сөт, он ташучы транспорт чараларына; бәла-каза һәм башка гадәттән тыш вакыйгаларның нәтиҗәләрен бетерүгә кирәк булган йөкне ташуга; аварияле төзәтү һәм ремонт эшләрендә куллана торган юл төзү һәм юлны экспуатацияләү техникасын һәм материалларын транспортлауга; федераль закон буенча хәрби хезмәт исәпкә алынган федераль органнарның башкарма хәкимиятенең транспорт чараларына таралмаган.