Узган шимбәдә ТР Транспорт һәм юл хуҗалыгы министрлыгы хезмәткәрләренең балалары өчен традицион яңа ел бәйрәме үтте.
Бу көнне балалар өчен зур бәйрәм программасы оештырылган иде. Алар рәхәтләнеп театральләштерелгән тамаша карадылар, төрле бәйгеләрдә катнаштылар һәм аниматорлар белән бергә фокуслар күрсәттеләр. Балалар хәрәкәтле уеннардан соң төрле тәм-том белән тәмләп чәй эчтеләр. Аннан соң, һәркемгә министр Ленар Сафиннан яңа ел бүләкләре тапшырылды.