«Казан» аэропортыннан Рас-эль-Хайма шәһәренә авиарейслар җибәрделәр
31 октябрьдә Габдулла Тукай исемендәге «Казан» Халыкара аэропортының чит ил партнеры Air Arabia авиакомпаниясе яңа очыш программасын эшләтеп җибәрде. Берләшкән Гарәп Әмирлекләренең иң төньяк Әмирлеге-Рас-Әл — Хаймага даими рейслар башкарылачак.
Казаннан очып китү өчен беренче рейс 95% ка тулган. Тантаналы рәвештә рәсмиләштерелгән теркәлү зонасында пассажирларга утырту талоннары белән бергә аэропорт һәм авиакомпаниядән истәлекле бүләкләр тапшырылды.
Рейслар җомга көннәрендә 174 пассажир сыйдырышлы Airbus A320 лайнерларында башкарыла: «Казан» аэропортына 20:40 сәгатьтә килеп җитә, Казаннан 21:30 сәгатьтә очып китә. Очыш 5 сәгать чамасы дәвам итә.
Air Arabia инде 12 елдан артык «Казан» Халыкара аэропортының партнеры булып тора. Хәзерге вакытта ташучы шулай ук Казаннан Шарджуга көненә 2шәр авиарейс башкара.