Фәрит Хәнифов Тукай районындагы контейнер терминалын карады
Татарстан Республикасы транспорт һәм юл хуҗалыгы министры Фәрит Хәнифов Тукай районында урнашкан «Бер пояс һәм бер юл» контейнер терминалында булды.
Фәрит Хәнифов терминалны һәм төзелә торган складны карады, шулай ук терминал вәкилләре катнашында киңәшмә үткәрде, анда объект төзелеше мәсьәләләре турында фикер алыштылар.
«Бер пояс һәм бер юл» контейнер терминалы – Татарстан Республикасының Тукай районындагы масштаблы логистик проект. Ул Кытай белән республиканың экспорт һәм импорт йөкләрен боҗралау хисабына контейнерлар ташуның нәтиҗәлелеген арттыруга юнәлдерелгән. Терминал үз эшен 2024 елның октябрендә башлады. Бүген ул берьюлы 8 меңгә кадәр контейнер урнаштырырга һәм ел саен 100 меңгә кадәр контейнер эшкәртергә мөмкинлек бирә.
Моннан тыш, министр Круглое Поле станциясендә Куйбышев тимер юлы дирекциясендә булды, анда дирекция җитәкчелеге белән төбәктә тимер юл транспортын үстерү перспективалары турында фикер алыштылар. Аерым алганда, «Россия тимер юллары» ААҖ һәм диңгез һәм елга транспорты федераль агентлыгы арасында транспорт логистикасын оештыруда үзара хезмәттәшлек мәсьәләләре, Круглое Поле станциясенә кадәр тимер юл участокларын электрлаштыру, транспорт иминлеге мәсьәләләре һәм башкалар каралды.