Казанда Серов урамын ремонтлау эшләре төгәлләнде

2025 елның 14 октябре, сишәмбе

Юл эшләре программасы кысаларында Казан шәһәренең Мәскәү районында Ленская урамыннан Восход урамына кадәрге участокта Серов урамы ремонтланган.

Объектта искергән асфальт-бетон өслекне фрезерлау, ЩМА-16 вак таш-мастика асфальт-бетоныннан тигезләүче һәм өске катламнарны асфальт-бетон белән каплау, юл тамгалары салу буенча чаралар башкарылды.

Яңартылган участокның озынлыгы 0,67 км. Генподряд оешмасы булып «Волгаавтодор» ҖЧҖ тора.