РФ транспорт Министрлыгы Цифрлы төбәк транспорт карарлары реестрын эшли
Тармакның цифрлы трансформациясе турында Мәскәүдә «Цифрлы транспорт-2025» форумы кысаларында узган «Нәтиҗәле транспорт системасы» юнәлеше буенча Дәүләт Советы комиссиясе утырышында фикер алыштылар. Чарада Татарстан Республикасыннан ТР транспорт һәм юл хуҗалыгы министры урынбасары Айрат Садыйков катнашты.
Утырышның төп темасы цифрлы транспорт чишелешләренең бердәм картасын (реестрын) төзү булды. Россия транспорт Министрлыгы башлыгы Андрей Никитин билгеләп үткәнчә, цифрлы карарлар юлда пассажир вакытын экономияләүгә өстенлекле урын бирелә торган бердәм транспорт системасын булдыру өчен кирәк. Бу транспорт системасы, биометрия, пилотсыз технологияләр һәм башка чишелешләр аша кирәкле ноктага мөмкин кадәр тизрәк барып җитү мөмкинлеген аңлата.
Тагын бер проект штаттан тыш хәлләр вакытында оператив үзәкләрнең үзара хезмәттәшлеген көчәйтү булачак. РФ транспорт Министрлыгының вәзгыять үзәге һәм эшләрне координацияләү өчен төбәк штаблары арасында килешүләр төзү йөкләнде. Бу, мәсәлән, авиарейслар тоткарланган вакытта ресурсларны активрак мобилизацияләргә мөмкинлек бирәчәк — өстәмә автобуслар бүлеп бирергә, пассажирларны урнаштырырга һәм транспорт эшен тиз арада үзгәртеп корырга мөмкин булачак.