Фәрит Хәнифов Тукай районы Советы утырышында катнашты

2025 елның 22 сентябре, дүшәмбе

Бүген Тукай муниципаль районы Советының сайлаулардан соң беренче оештыру утырышы узды.

Утырыш эшендә ТР транспорт һәм юл хуҗалыгы министры Фәрит Хәнифов, РФ Дәүләт Думасы депутаты Әлфия Когогина, ТР Дәүләт Советы депутаты Марат Бариев һәм башкалар катнашты.

Көн тәртибендәге төп мәсьәлә булып муниципалитет башлыгын сайлау булды. Ачык тавыш бирү нәтиҗәләре буенча район Советы депутатлары бертавыштан Камил Нәҗмиевне сайладылар. Ул ант итте һәм рәсми рәвештә үз вазифасына кереште.