Рөстәм Миңнеханов Kazan Digital Week-2025 Халыкара форумын ачты
Форум һәм махсуслаштырылган күргәзмә 2025 елның 17-19 сентябрендә «Казан Экспо» үзәге мәйданчыгында уза. Kazan Digital Week инде алтынчы тапкыр уздырыла.
"Елдан - ел бу чара масштаблырак һәм әһәмиятлерәк була бара", - дип ассызыклады Рөстәм Миңнеханов чарада катнашучыларны сәламләп.
7 мең кв. м мәйданлы күргәзмә экспозициясендә карарларны 302 әйдәп баручы Россия һәм чит ил IT-компанияләре һәм стартаплары күрсәтәчәк.
Көн тәртибе үзәгенә барлык тармакларны үстерү драйверы буларак ясалма интеллект булдыру һәм кертү темасы чыгарылган. 140тан артык чара, төрле өлкәләрдә (дәүләт идарәсе, медицина, транспорт, мәгариф, төзелеш) ясалма интеллект кертүнең реаль кейсларын тәкъдир итү, блокчейн-технологияләр һәм криптоиндустрия форумы (Kazan Cryptoforum 2025), конференцияләр, секцияләр, хакатоннар, вебинарлар булачак.