Фәрит Хәнифовның Россия һава флоты көне белән котлавы
Һава флотының барлык хезмәткәрләрен һәм ветераннарын һөнәри бәйрәмнәре белән котлыйм!
Бүген бөтен ил Россия һава флоты көнен билгеләп үтә. Бу бәйрәм авиация тармагы үсешенә бәяләп бетергесез өлеш кертүчеләрне берләштерә, пассажирларның иминлеген һәм уңайлылыгын тәэмин итә, һава транспортының тотрыклылыгын саклый.
Авиаторларның хезмәте һәрвакыт иң абруйлы һәм җаваплыларның берсе булды һәм шулай булып кала да. Авиациядә күккә чын-чынлап гашыйк кешеләр эшли, алар очышларның зур җаваплылык икәнен аңлыйлар.
Белемнәре һәм тәҗрибәләре белән яңа буын авиаторлар өчен үрнәк булган тармак ветераннарына аерым рәхмәт белдерәм. Сезнең белемегез һәм эшкә бирелгәнлегегез – тармакның бәһассез мирасы.
Үз тормышын һава флоты белән бәйләгән һәркемгә профессиональлек һәм батырлык өчен рәхмәт. Чын күңелдән Сезгә нык сәламәтлек, бәхет, уңышлар, иминлек һәм яңа биеклекләр телим!
Татарстан Республикасы
транспорт һәм юл хуҗалыгы министры
Ф.М. Хәнифов