I яртыеллыкта Тихорецкая терминалында 351 мең тоннадан артык йөк эшкәртелгән
Горький тимер юлы терминаллары 2025 елның гыйнвар-июнендә 2 млн тоннадан артык йөк эшкәрткән, шуларның 351,4 мең тоннасы - Тихорецкаяда.
Шунысын да билгеләп үтәргә кирәк, магистраль терминалларында комплекслы транспорт хезмәте күрсәтелә: йөкләрнең киң номенклатурасын төяү һәм бушату, аларны ябык складларда һәм ачык мәйданчыкларда саклау, йөкләрне автомобиль транспорты белән китерү, ташу документларын рәсмиләштерү, вагоннарны чистарту/юу хезмәтләре.
Эшкә йөк җибәрүчеләр һәм йөк алучылар белән үзара мөнәсәбәтләрнең цифрлы моделе актив кертелә. Магистраль клиентының «Россия тимер юллары» ААҖ сайтындагы «Шәхси кабинет»та терминал-склад комплексы хезмәтләреннән дистанцион файдалану мөмкинлеге бар.
Клиентларга уңайлы булсын өчен махсуслаштырылган сервислар эшләнгән, шул исәптән «Цм-Экспедитор» (оптималь логистик схемалар төзи), «мастер погрузки» (йөкне төяп беркетергә булыша, шулай ук аны урнаштыруның дөреслеген тикшерә) һәм «ЦМ-авто» (автомобильләр ташыганда терминал хезмәтләрнең тулы комплексын күрсәтү).