Казаннан 6 августта Геленджикка авиарейслар ачыла

6 августта Red Wings авиакомпаниясе Кара диңгез ярындагы популяр курортка – Геленджикка рейслар башкаруга керешә. Шәһәр пляжлары, тау пейзажлары һәм алга киткән туристлык инфраструктурасы белән билгеле. Авиакомпания рейсларны һәр чәршәмбе график буенча башкарырга планлаштыра:

- Казаннан 09:25 сәгатьтә очып китү һәм Геленджикка 13:10 сәгатьтә килеп җитү;

- Геленджиктан 14:10да очып китү, Казанда 17:35тә утыру.

Очыш вакыты якынча өч сәгать ярым тәшкил итәчәк. Геленджикта вакыт мәскәүнеке белән туры килә. Рейслар илебезнең Sukhoi Superjet 100 һава судноларында башкарылачак.