Горький тимер юлы «Агроволга-2025» Халыкара күргәзмәсендә катнашты
Горький магистрале, Идел буена агросәнәгать продукциясен төп ташучы буларак, бу көннәрдә Татарстан башкаласында уза торган «Агроволга-2025» Халыкара күргәзмәсендә катнаша.
Юл стендында терминал-склад комплексының йөк ташу һәм хезмәт күрсәтү мөмкинлекләре, шулай ук «РЖД Маркет» маркетплейсы тәкъдим ителгән.
Тимер юлчылар килүчеләрне Россия тимер юлларының логистика өлкәсендәге цифрлы сервислары, «йөк экспрессы» һәм «расписание буенча йөк ташу» хезмәтләре, шулай ук «шәхси кабинет» мәгълүмати-белешмә системасын куллануның өстенлекләре белән таныштыра.
Казан фирма һәм транспорт хезмәте күрсәтү агентлыгы башлыгы Елена Ашаева сүзләренә караганда, Горький тимер юлында авыл хуҗалыгы продукциясен төяүнең шактый күләме Татарстан Республикасына туры килә.
Күргәзмә өченче көн уза. Вакыйга дөньяның 27 иленнән, шул исәптән Кытай, Иран һәм Белоруссиядән 400 компанияне берләштерә. Килүчеләр саны 15 меңгә якын.