Etihad Airways авиакомпаниясе «Казан» Халыкара аэропортының яңа партнеры булды
Габдулла Тукай исемендәге «Казан» Халыкара аэропортының яңа партнеры Etihad Airways авиакомпаниясе беренче тапкыр Татарстан Республикасыннан даими авиарейслар ача. Ташучы Абу-Даби юнәлешенә 2025 елның 4 декабрендә атнага 3 тапкыр: сишәмбе, пәнҗешәмбе һәм якшәмбе көннәрендә очышлар ешлыгы белән керергә планлаштыра.
Очыш 4 сәгать 25 минут дәвам итәчәк. Алдан программа Airbus A320 тибындагы һава судноларында 2026 елның 19 апреленә кадәр үтәлергә тиеш дип белдерелгән.
Абу-Даби – Казан – Абу-Даби рейсы үзара туризмны үстерү өчен өстәмә мөмкинлекләр бирәчәк.
"Әлеге программаны ачу безнең яңа чит ил партнеры Etihad Airways белән берлектә үткәрелгән масштаблы эш нәтиҗәсе булды. Билгеле булганча, БГӘ традицион рәвештә россиялеләр арасында иң популяр туристик юнәлешләрнең берсе булып тора. Моннан тыш, Татарстан Республикасы һәм якындагы регионнар халкы Зайд исемендәге Халыкара аэропортны транзит пункты сыйфатында файдалану өчен өстәмә трансфер мөмкинлекләре алачак", - дип билгеләде "Казан" Халыкара аэропорты генераль директоры Сергей Романцов.
Билетлар инде сатуда.
Белешмә: Etihad Airways-штаб-квартирасы Абу-Дабида урнашкан Берләшкән Гарәп Әмирлекләренең милли авиакомпаниясе.