Горький магистралендә «Тимер юл: синең имин юлың» акциясе башланды
Горький тимер юлы хезмәткәрләре 2025 елның 2 июленнән 11 июленә кадәр «Россия тимер юллары» ААҖнең бөтен челтәрендә уза торган «Тимер юл: синең имин юлың» профилактик акциясенә кушылды.
Акциянең максаты - тимер юл транспорты объектларында үз-үзеңне куркынычсыз тоту культурасын формалаштыру, шулай ук поездлар хәрәкәте зонасында транспорт һәлакәтләрен кисәтү.
Магистраль хезмәткәрләре гражданнарга транспортта үз-үзеңне куркынычсыз тоту кагыйдәләрен кабат искә төшерәчәк. Тимер юлның төзелеше һәм эшчәнлеге үзенчәлекләре белән танышу максатыннан профильле музейларда, балалар тимер юлларында һәм башка предприятиеләрдә экскурсияләр оештырылачак. Хокук саклау органнары хезмәткәрләре белән берлектә станцияләрдә һәм перегоннарда, тимер юлда үз-үзеңне тоту кагыйдәләрен бозучы кешеләрне ачыклау буенча махсус рейдлар узачак.
Моннан тыш, аңлату һәм профилактика эшләре торак комплекслар территорияләрендә, эре предприятиеләрдә һәм профсоюзларда, социаль, мәдәни, спорт һәм сәламәтләндерү учреждениеләрендә узачак. Биредә тимер юл янында үз-үзеңне тоту кагыйдәләре турында басма һәм электрон мәгълүмати материаллар, тематик сувенир продукциясе тарату, шулай ук видеороликлар трансляцияләү каралган.
Мондый формат гражданнар белән җентекләбрәк һәм адреслырак әңгәмәләр үткәрергә, аларның игътибарын тимер юл инфраструктурасында куркынычсызлык кагыйдәләрен үтәү зарурлыгына юнәлтергә мөмкинлек бирә.