Татарстан Рәисе МТС җитәкчелеге белән очрашты
Татарстан Рәисе Рөстәм Миңнеханов форум кысаларында «МТС» ГАҖ генераль директоры, идарә рәисе Инеса Галактионова белән очрашты. Очрашуда ТР транспорт һәм юл хуҗалыгы министры Фәрит Хәнифов катнашты.
Республика территориясендә 700 база мобиль элемтә станциясе урнаштыру, М7 һәм М12 федераль трассаларында станцияләр төзү һәм башкалар буенча МТС планнарын гамәлгә ашыру мәсьәләләре буенча фикер алыштылар. Соңгы 5 елда гына да Татарстанда элемтә челтәрен үстерүгә МТС инвестицияләре күләме 6,9 млрд сум тәшкил иткән.
"Авыл җирендә цифрлы тигезсезлекне бетерү безнең өчен аеруча мөһим. Сезнең компания дә әлеге проектка кушылды һәм авыл торак пунктларына керә", - дип ассызыклады республика Рәисе.
Шулай ук компания агросәнәгать комплексын цифрлаштыру проектларын, үзебездә җитештерелгән җайланмаларны китерү һәм җибәреп тоу-көйләү эшләрен актив гамәлгә ашыра, пассажирлар йөртү предприятиеләренең хәрәкәт составын түләүнең кондукторсыз системасы, видеокүзәтү һәм пассажирлар агымын исәпләү белән тәэмин итә.