Татарстан Рәисе «Трансмашхолдинг» АҖ генераль директоры белән очрашты

2025 елның 19 июне, пәнҗешәмбе

Татарстан Рәисе Рөстәм Миңнеханов «Трансмашхолдинг» АҖ генераль директоры Кирилл Липа белән очрашты. Очрашуда ТР транспорт һәм юл хуҗалыгы министры Фәрит Хәнифов катнашты.

"Трансмашхолдинг - Татарстанның мөһим стратегик партнеры. Бүген республикада сезнең компания җитештергән төрле транспорт төрләре файдаланыла. Метрополитен өчен генә дә 10 поезд сатып алынды. Көн саен алардан меңләгән республикабыз халкы һәм кунаклары файдалана», - дип билгеләп үтте Рөстәм Миңнеханов.

Очрашу азагында Татарстан Республикасы Хөкүмәте һәм «Трансмашхолдинг» АҖ арасында республикада гомуми файдаланудагы транспортны үстерү һәм модернизацияләү мәсьәләләре буенча Хезмәттәшлек турында килешү имзаланды.