Горький тимер юлында имгәнгән гражданнар саны гыйнвар-майда 5% ка кимегән
Горький магистраленең тимер юл инфраструктурасы объектларында гражданнарның имгәнү очраклары саны узган елның шул ук чоры белән чагыштырганда 2025 елның гыйнвар-маенда 5% ка кимегән. 5 ай эчендә үз саксызлыклары аркасында 39 кеше имгәнгән. Шуны да ассызыклап үтик: һәлакәтләрнең төп сәбәпләре якынлашып килүче состав алдыннан тимер юл аша чыгу һәм электр тогы белән имгәнү.
Горький магистрале тимер юл инфраструктурасы объектларында гражданнарның имгәнүен кисәтү буенча даими рәвештә профилактик эш алып бара. Аерым алганда, тимер юлчылар хокук саклау органнары белән уртак рейдлар, мәгариф учреждениеләрендә аңлату әңгәмәләре оештыра.
Мондый формат пассажирлар белән җентекләбрәк һәм адреслырак әңгәмәләр үткәрергә, аларның игътибарын тимер юл инфраструктурасында куркынычсызлык кагыйдәләрен үтәү зарурлыгына юнәлтергә, кызыксындырган сорауларга җавап бирергә мөмкинлек бирә. Балалар белән пассажирларга аерым игътибар бирелә.
Исегезгә төшерәбез, тимер юл - зур куркыныч зонасы! Гражданнарны тимер юл транспортында шәхси куркынычсызлык кагыйдәләрен үтәргә, поездлар хәрәкәте зонасында уяу булырга һәм платформаларда булганда, вагоннардан утырганда һәм төшкәндә, шулай ук тимер юл аша чыкканда кәрәзле телефоннар һәм гаджетлардан баш тартырга чакырабыз.