Татарстанда агымдагы елда авыл территорияләренең 10 объектында транспорт инфраструктурасын үстерү буенча чараларны гамәлгә ашыру планлаштырыла
2025 елда Татарстан Республикасының авыл территорияләрендә транспорт инфраструктурасын үстерү чараларын гамәлгә ашыруга 1 млрд сумнан артык финанслау каралган, шул исәптән федераль бюджеттан 818 млн сум, Татарстан Республикасының уртак финанславы 217 млн сум тәшкил итә.
Агымдагы елда гомуми озынлыгы 50 км дан артык булган 10 объектны гамәлгә ашыру планлаштырыла. Болар - Аксубай, Апас, Саба, Сарман муниципаль районнарында АПК предприятиеләренә керү юллары төзү, шәһәр тибындагы бистәдә юл-урам челтәрен реконструкцияләү: Алексеевск штб., Балык Бистәсе штб., Манзарас авылы һ. б.
"Хәзерге вакытта барлык объектлар буенча контрактлар төзелгән, подряд оешмалары төзелеш-монтаж эшләрен башкарырга кереште», - дип хәбәр итте ТР транспорт һәм юл хуҗалыгы министры урынбасары Артем Чукин.
Татарстан Республикасы «Авыл территорияләрен комплекслы үстерү» Россия Федерациясе дәүләт программасы чараларында авылда торак, инженерлык инфраструктурасы объектларын төзү һәм төзекләндерү, шулай ук авыл территорияләрендә каты өслекле гомуми файдаланудагы автомобиль юлларын төзү һәм реконструкцияләү өлешендә актив катнаша.
2011 елдан 2020 елга кадәр федераль бюджеттан субсидияләр исәбенә 185 авыл торак пункты каты өслекле юлларга тоташтырылган. Төзелгән барлык подъездларның гомуми озынлыгы 475,4 км тәшкил иткән. Федераль һәм төбәк бюджетлары хисабына финанслау күләме 10,7 млрд сум тәшкил иткән.
Исегезгә төшерәбез, 2020 елдан программа «Авыл территорияләрен комплекслы үстерү» дип атала, субсидияләрне бүлүнең яңа тәртибе дә расланды. Агросәнәгать комплексын һәм авыл агломерацияләрен үстерү өстенлекле юнәлеш булып тора. 2020 елдан 2024 елга кадәр авыл территорияләрендә Агросәнәгать комплексы предприятиеләренә һәм объектларына автомобиль юлларының гомуми озынлыгы 87 км дан артык булган 21 участогы төзелгән һәм капиталь ремонтланган.федераль һәм төбәк бюджеты акчалары исәбеннән финанслау күләме 2,6 млрд сум тәшкил иткән.