«Поездларга юл бир!» акциясе Горький тимер юлында старт алды
Горький тимер юлы хезмәткәрләре «Поездларга юл бир!» профилактик айлыгына кушылды, ул җәйге мәктәп каникуллары алдыннан 2025 елның 1 маеннан 31 маена кадәр "Россия тимер юллары" ААҖ челтәрендә уза.
Шуны да ассызыклап үтик: һәлакәтләрнең төп сәбәпләре якынлашып килүче состав алдыннан тимер юл аша чыгу һәм электр тогы белән имгәнү.
Тимер юлчылар мәктәп укучыларына транспортта үз-үзеңне куркынычсыз тоту кагыйдәләрен кабат искә төшерәчәк. Россия эчке эшләр Министрлыгының Идел буе федераль округы буенча транспорт идарәсе бүлекчәләре белән берлектә тимер юл станцияләрендә һәм перегоннарында тимер юлда үз-үзеңне дөрес тоту кагыйдәләрен бозучы яшүсмерләрне ачыклау буенча рейдлар оештыра.
Моннан тыш, аңлату һәм профилактика эшләре тимер юл янында урнашкан уку йортларында һәм балаларга өстәмә белем бирү учреждениеләрендә узачак. Чаралар кысаларында биредә тимер юл янында үз-үзеңне тоту кагыйдәләре турында басма һәм электрон мәгълүмат материалларын, шулай ук тематик сувенир продукциясен тарату каралган.
Мондый формат үсеп килүче буынга җентекләбрәк һәм адреслырак әңгәмәләр үткәрергә, аларның игътибарын тимер юл инфраструктурасында куркынычсызлык кагыйдәләрен үтәү зарурлыгына юнәлтергә мөмкинлек бирә.
Акциянең максаты - балаларда һәм яшүсмерләрдә тимер юл транспорты объектларында үз-үзеңне куркынычсыз тоту культурасын формалаштыру, шулай ук поездлар хәрәкәте зонасында транспорт һәлакәтләрен кисәтү.