«Татнефтедор» ҖЧҖ Бөтендөнья хезмәтне саклау көненә багышланган чара оештырды
Бүген, 28 апрельдә, Россиядә Бөтендөнья хезмәтне саклау көнен билгеләп үтәләр. Ул Халыкара дәрәҗәдә уздырыла, эш урынында аварияләрне һәм травматизмны булдырмау чараларына, куркынычсыз, сәламәт һәм лаеклы хезмәт шартларын булдыруга игътибарны юнәлдерә.
«Татнефтедор» ҖЧҖнең Әлмәт автомобиль юллары идарәсе базасында әлеге датага багышланган чара узды. Әлмәт политехник техникумы һәм Казан тикшеренү техник университетының Әлмәт филиалы студентлары җитештерү мохите һәм тармактагы эш белән таныштырдылар.
Директорның беренче урынбасары - «Татнефтедор» ҖЧҖ баш инженеры Артем Трофименко компаниянең эшчәнлеге, хезмәт шартлары турында сөйләде, игътибарны һөнәри үсешнең мөһимлегенә һәм һәр хезмәткәр өчен уңайлы эш атмосферасы булдыруга юнәлтте. Шулай ук студентларга производствода бәхетсезлек очракларын булдырмау өчен куркынычсызлык техникасын үтәүнең мөһимлеген искә төшерделәр.
Аннары аларга АТЦ башлыгы Виталий Комаров җитәкчелегендә Әлмәт УАД базасы буйлап экскурсия уздырдылар. Укучылар заманча җитештерү базасы белән таныштылар, төрле юл-төзелеш техникасын: автогудронаторларны, перегрузчикларны, асфальт салгычларны һәм башкаларны күрделәр. Виталий Комаров автогрейдерда һәм погрузчикта автоматик үзәкләштерелгән майлау системасы кебек катлаулы системаларны да кертеп, әлеге техниканың эш принциплары турында җентекләп сөйләде. Ремонт участокларындагы эш үзенчәлекләренә һәм бу шартларда кулланыла торган куркынычсызлык чараларына аерым игътибар бирелде.
Шулай итеп, чара булачак белгечләр өчен файдалы һәм истә калырлык булды. Бу аларның һөнәри белемнәрен киңәйтеп кенә калмады, ә сайлаган белгечлекләрендә алга таба белем алуга һәм үсешкә этәргеч бирде.