Татарстанда чокырларны ремонтлау 163 мең кв. метрдан артык мәйданда башкарылган
Бүгенге көнгә төбәк әһәмиятендәге гомуми файдаланудагы автомобиль юлларында 163 мең кв. метрдан артык мәйданда чокырлар ремонтланган, шулардан 9 мең кв. метрдан артык мәйданда салкын асфальт – бетон, 128 мең кв. метрдан артык кайнар асфальт – бетон, 25 мең кв. метрдан артык коелган асфальт – бетон катнашмасы, 190 кв. метрдан артык карталар һәм 900 кв. м дан артык - агым-инъекция ысулы белән.
Бүгенге көндә 20 асфальт-бетон заводы эшләтеп җибәрелгән.
Чокырларны ремонтлау региональ әһәмияттәге гомуми файдаланудагы автомобиль юлларын карап тотуга бүлеп бирелгән акчалар исәбеннән башкарыла. Чокырларны ремонтлауга «Алексеевскдорстрой» ААҖ, «Татавтодор» АҖ, «Татнефтедор» ҖЧҖ, «Каздорстрой» АҖ, «Волгадорстрой» ҖЧҖ, «МДСУ-1» ҖЧҖ, «Чистай Автодоры» ҖЧҖ кебек подряд оешмалары җәлеп ителгән.
Шунысын да билгеләп үтәргә кирәк, «Главтатдортранс» ДКУ оператив идарәсендә 13 790 км гомуми файдаланудагы төбәк әһәмиятендәге автомобиль юллары бар, шулардан 11 825 км асфальт-бетон өслекле, 98 км цемент-бетон өслекле, 1 350 км күчеш тибындагы өслекле, 515 км грунт юллар. Салу, кулланыла торган материаллар, асфальт-бетон катнашмаларын сайлап алу, сыйфатны тикшерү ГОСТ таләпләре буенча башкарыла.