Үз-үзеңә хезмәт күрсәтүнең яңа терминалларын «Содружество» компаниясе дүрт станциядә урнаштырды
"Содружество" шәһәр яны пассажир компаниясе шәһәр яны поездларына билетлар сату өчен үз-үзеңә хезмәт күрсәтүнең яңа терминалларын эксплуатацияли башлады.
Казан 1, Аэропорт, Ижевск станцияләрендә һәм Әмәт метро тукталыш пунктында барлыгы биш билет басу автоматы урнаштырылган.
Яңа терминаллар заманча дизайнга ия. Зур сенсорлы экран билет сатып алу процессын тагын да уңайлырак итә. Җиһазлар Россиядә эшләнгән һәм җитештерелгән, аның яңартылган техник характеристикалары пассажирларга хезмәт күрсәтү процессын шактый тизләтте.
Бүгенге көндә терминалларда мәктәп укучылары һәм студентларга тулы бәягә билетлар һәм ташламалы билетлар сатып алу, шулай ук багаж һәм хайваннар ташуга квитанцияләр рәсмиләштерү мөмкинлеге бар. Казан станциясендә Казан-Түбән Новгородка йөрү урыннары күрсәтелгән поездларга йөрү документларын сатып алырга мөмкин.